بسم الله الرحمن الرحیم
( الحاج استاذ بیانزی )
مونږ ته د سیاف او نورو د لویدیز لاسپوڅو څرنګوالی له نزدی معلوم او د سترګو لیدلی حال دی. د کمونستی کودتا په دریمه ورځ مو پاکستان ته هجرت وکړو دا چه د داود رژیم هم نیمه کمونستی وو ، ځینو لکه ربانی ، حکمت یار ، احمدشاه مسعود او نورو د داود په نیمه کمونستی رژیم کی زمونږ نه مخکی هجرت کړی وو پیشاور کی یی هستوګنه درلوده ، مونږ ډیر لیواله وو چه څه وخت به له دوی سره له هجرته وروسته دوهمه مرحله پیلوو ، خو کله چه مو پیښاور کی د دوی اختلافات او دشمنی سره ولیدل ، خوابدی خو بی هیلی نه شو ، د دوی د بیا یووالی د پاره مو مټی راونغښتلی ، په اوله کی دا شمیر کم وو ، ځکه هر چا د یوه او بل پلوی کوله ، مګر دا چه هره ورځ په سوونو او زرونو خلک مهاجر کیدل ، ورو ورو د یووالی کمیته ستره او پیاوړی شوه .
مونږ د یو والی دپاره پرله پسی هلی ځلی درلودی . مګر دا چه استعماری لاسوهنی هم وی زمونږ هلی ځلی به شنډی شوی د ګوندونو شمیر تر پنځوسو هم واوښت په دی هلو ځلو کی راسره یاسر استاذ ( یاد دی په خیر وی )هم ملګری وو مونږ د هغه له خوږی ملګرتیا ډير خوند اخستلو الله ج دی مونږ ته هم د هغه په شان جهادی شهامت او اسلامی پوهه راکړی .
د ربانی او حکمت یار په یووالی او ماتوالی کی (حرکت اسلامی) ، او په دوهمه هڅه کی د( اتحاد اسلامی) ګوند ونه جوړ شول ، یعنی دواړه نوی ګوندونه د دوه یووالو او دوه ماتوالومحصول وو ، ددی په څنګ کی خالص مولوی صاحب د دوهم یووالی سره د ګدون نه کولو په احتجاح د حکمت یار له حزب اسلامی څخه جلا او د( حزب اسلامی خالص ) په نوم یی بله څانګه جوړه کړه ، سربیره پردی لویدیز دوه نورسکولر ګروپونه د( جبهی) او (محاذ) په نوم هم ونومول( د ظاهر شاه ګوندونه بلل کیده ) چه د لویدیز له خوا به په ښکاره حمایه او تمویلیدل لنډه دا چه د ګوندونو شمیر اوو ته ورسیدلو . له دی وروسته مونږ له یووالی څخه بی هیلی شو له هغه وروسته مو بیا د یو ګوند د قوماندی لاندی خپلو جهادی فعالیتونوته دوام ورکړو .
دغه وخت سیاف د کابل پوهنتون شریعاتوپوهنځی کی استاذ وو ، زه هم استاذ ووم ټولی خبری یا قیصی مو په خپلو سترګو لیدلی او اوریدلی په مسایلو کی دخیل او د هغه وخت د ځوانو مسلمانانو له باوری غړو څخه ووم .
د سیاف د جاسوسی خبره له همدی ځایه پیل کیږی . د کابل پوهنتون استادانو او یا مخصلینو ته به لکه د نړی د نورو ملکونو په شان له امریکا هم ( د هغه پوهنځی د مسلکیت له مخی ) سکالرشیپونه راتلل ، یعنی به اسلامی علومو ، عربی ژبی ، ادبیا تو، سیاست او نورو کی به له اسلامی ملکونو ، مګر په سیانیس او تکنالوجی کی به له غیر اسلامی ملکونو څخه برسونه راتلل . نو سیاف صاحب ته په شرعیاتو کی له امریکا څخه برس یا سکالرشیپ راتلل نادره او حیرانونکی خبره وه امریکا په هغه وخت او اوس د اسلامی زده کړود پاره کوم ځانګړی پروګارام نه درلود او نه لری خو ددی سره سره بیا هم سیاف باید د امریکا څخه سکالرشیپ یا برس په اسلامی علومو کی ( دکتورا ) ترلاسه کړی وی ؟
دی پوښتنی ته ،چه امریکا سیاف ته هغه وخت ولی سکلرشیپ ورکوو ؟ ځواب ورکول او څیړلو ته اړه ده .
مونږ وایو چه سیاف که د سی ای ای سره اړیکی درلودل د سیاف نیول د داود د دوری په اول وخت کی ولی نه کیده ؟ ځواب ( دا ځکه چه هغه وخت کمونستانو پوره قدرت نه درلود او نه سیاف ډیر افشا وو ، نو سی ای ای ته یی تر ډیر کچی بی خطره کار کولی شو او سی ای ای هم دی ساتلی شو او سی ای ای باید د سیاف په شان څوک هلته لرلی) په اوایلو کی د مرموزو خبرو څخه پرده لیری کیدل اسانه نه وی څه پښ شی څیړونکو ته شکونه رامخی ته شی د اسنادو او شواهد و له مخی اټکل وکړی ، د جاسوسانو پیدا کیدل له اوله په اټکل سره کیږی وروسته یی بیا ټوله پیژنده وشی چه دی جاسوس وو که غلط فهمی شوی ده .
ځینو خبرو ته وروسته د خلکو پام راوګرځی ، سیاف صاحب شیح الحدیث ، په شریعاتو پوهنځی کی استاذ ، د اخوان لمسلمین او افغانستان کی د ځوانو مسلمانانو د شوری مهم غړی او د الازهر پوهینتو ن څخه یی په کومه اسلامی رشته کی یی ماستری تر لاسه کړی وه .، دی او داسی نورو ښو کریدټونو د امریکا سکالرشیپ د سیوری لاندی راوستی وو( ځوانو مسلمانو ورونو ته د سیاف د جاسوسی کوم شک نه پیدا کیدو ) دا هم کیدی شی چه سیاف به امریکایانو ته ددی یادونه کړی وه چه د فعالیت ساحه یی تنګه شوی پاتی کیدل یی نوره ګته نه لری ، نو امریکایانو به د سکلر شیپ په بهانه ژغورلو او د ځوانو مسلمانانو ګوند به هم فکر کووچه امریکایان هم د کمونستانو د شمنان دی ښه ده چه مونږ د دوی له دشمنی ګټه پورته کړو او ځان له مرګه خلاص کړم ، دا به د ګوند د پاره هم ګټوره وی چا فکر هم نه کوو چه سیاف دی دوه مخی وی . خو دروسانو ورته پام وو . کمونستانو ، سیاف د کابل په هوایی ډګر کی له الوتکی څخه راښکته او د پل چرخی زندان ته یی لاس تړلی او تړلی سترګی یووړلو.
امریکا چوپه پاتی شوه که نه د سیاف مرګ حتمی وو. ، شاید سی ای ای د زندان د مسولینوسره اړیکی نیولی او دده د بودو باش او نه شکنجو په هکله یی ورسره معامله کړی وی ، خو سی ای ای د هغه وخت په انتظار هم وه چه څه وخت یی راخوشی او پاکستان ته یی راوویستلی شی دا کار وځنډیدو خو لږ تر لږه د داود ، ترکی او امین د وخت له وژلواو شکنجو یی وژغورلو تر هغی چه روسانو د بلی مهری ( ببرک ) او د یونیم لک فوڅونو، تانکونو او ټولو جنګی مهماتو سره زمونږ په ګران هیواد وحشی یړغل وکړو امین لعین یی مردار او زمونږ هیواد یی اشغال کړو.
نوی شاه شجاع ( ببرک ) ته د چارو واکی وسپارل شوی ببرک ( نوی وفادار ) ته وویل شو چه مونږ به د بارنی خطراتو مقابله کوواو تاسی دننه د خلکو خوشالی خپله کړی چه څو ورځی مو حکومت دوام وکړی ( لکه کرزی ته چه امریکایان دستور او قومانده ورکوی) ببرک ته هم وویل شول چه ټول بندیان خوشی کړه ،چه د خلکو کرکه کمه شی .د معلوماتو له مخی ببرک خطرناک بندیان بل کوم ځانګړی او مرموز زندان ته نقل کړل سیاف په هغه خطری بندیانو کی نه وو؟ . لنډه دا چه سیاف د کمونستانو له زندانه داسی روغ رمټ راووت چه تر پخوا یی هم رنګ سور او وزن یی زیات شوی وو ، سی ای ای په هماغه ورځ د کورنی سره په ګډه پښاور ته راوویست، لویه ښکلی بنګله د دوی په انتظار کی وه .
سی ای ای د نورو استخباراتی شبکو په شان یواځی استخباراتی شبکه نه ، بلکه سی ای ای د ماسونیزم نړیوال ګوند دی چه په ټوله نړی کی فعال نفوذ ،قدرت او تسلط لری د صلاحیت کچه یی د امریکا له حکومت څخه پورته ده. سی ای ای د هر ملک ، ژبی ، دین ، قوم او سمت کی خپل غړی لری ، نو د عبدالرسول سیاف د پاره د حزب او جمیعت سره اړیکی نیولی شوی وی چه یوه ورته معاونتیت او بل ورته د ریاست مقام په نظر کی نیولی وو په دی کار یی شهرت لا زیات شو خو پلان دا وو چه مستقل ګوند ولری ، د یووالی خبری رامنځته شوی چه مونږ هم له بده مرغه پکی ونډه درلوده یعنی مونږ هم د تبلیغاتو ښکار شو . څو میاشتی وروسته د اتحاد اسلامی په نوم د مجاهدینو ترمنځ اتحاد رامنځته او سیاف ورته مشر وټاکل شو . .
د نوی اتحاد لا څو میاشتو نه وی تیری شوی چه بیا مات شو او هر څوک خپلو سوړو ته بیا ننوتل او د اتحاد اسلامی ګوند د سی ای ای په غلبیل کی پاس پاتی شو .
سیاف د سی ای ای په زور په اوبو کی پورته روان وو خو سرعت یی له مخ ښکته اوبو هم زیات معلومیده ځکه عربی هیوادونو ته د امریکا له خوا دستور ورکړی شوی وو چه ټوله مخه سیاف ته را واړوی ، چه دی کار سیاف تر ټولو پهلوان او بیلونر کړو چه د نورو ګوندونو ټول مهم قوماندانان یی په بیه واخستل هغو قوماندانانو ته به یی ډبل معاشونه او وسلی ورکولی ، کومی پیسی، وسلی او وسیلی چه سیاف قوماندانو ته ورکولی د بل ګوند په وس کی نه وی . له همدی امله نورو هم د سیاف سره په رقابت د سی ای ای سره اړیکی ونیولی نو امریکا په ډيره ارامی د ټولو جهادی ګوندونو مشره ( ابی ) شوه .
له دی مخکی به د سی ای ای غړو د اسلامی ګوندونو څخه په اجازی او لارښودنو سره جهادی محاذونو ته تلل له دی وروسته د دی اجازو اړه نوره نه وه ( لکه اوس په افغانستان ک) رهبرانو او قوماندانانو به له سی ای ای دستور او لار ښودنو تقاضا درلوده. لکه د یوه میړه څو ښځی هریو اسلامی ګوند به د میړه په زړه ساتلو کی رقابت او مسابقه درلودله چه په دی کار کی سیاف تر ټولو مشره او تر نورو منلی میرمن وه ، دا خبری مونږ ته د سیاف له ډیرو نزدی ملګرو له خوا ویل شوی او هغو مونږ ته ډير اسناد راښودلی چ د ټولو لیکلو به کتاب جوړ شی .
له دی وروسته د مجاهدینو یووالی او ماتوالی د سی ای ای د پاره ښه وسله او وسیله جوړه شوه ، کله به یی کعبی ته راوستل چه د کعبی بی عزتی پری وکړی خو کعبه کی به یی د یووالی پرځای ژمنه وکړه چه نفاق به کوو.
بالاخره د سی ای ای مچاهدین کابل ته ولاړل ( بریالی شول) . کابل کی ورته د سی ای ای ایزمیانو له خوا د ستر جنرال دوستم په مشری شاهانه تشریفات نیول شوی وو .
خبره به لنډه کړم ، ددغه پټو غلامانو رهبرانو په واسطه ( زمونږ جهاد ) ته ( سوړ جنګ ) وویل شو د حکمت یار په شمول ( چه اوس هم په سنګر کی د امریکایانو په ضد جنګیږی ) چا ورباندی نه کتاب اونه مقاله و لیکله چه د لویدیز د سوړ جنګ تردید وکړی او شکایت وکړی او دی ته نه یواځی ګرم جنګ بلکه د نړی له ټولو لوی نړیوال څلورم جنګ نوم ورکړی د کمونستی هغه فلسفه چه امریکایانو تری ستورو ته پناه وړله ، افغانانو په زمکه کی تس ونس او موزیم کی د عبرت پاڼه شوه . د دغو جاسوسو رهبرانو له خوا نه یواځی (جهاد) ته د لویدیز د( سوړ جنګ) ویلو مخالفت ونه شو چه لویدیز په څو ډالرو زمونږ لس کلن جهاد ولی غلا کړو ؟ بلکه دوی هم په خپلو ویناوو او لیکنو کی همدغه د سوړ جنګ کلمه کاروله او کاروی او د سوړ جنګ بادارانو سره خوله په خوله او اوږه به اوږه د اسلامی نظام په مقابل کی ودریدل او اوس هم ولاړ دی.
نو اوس به دا قضاوت لوستونکی او د افغانستان مظلوم ولس ته ورکړو چه دا رهبران له اوله پلورل شوو وو که نه ؟
ځواب ،هو ، بلکل دوی پلورل شوی وو جهادی رهبرانو امریکا سره له اوله ژمنه کړی وه ، چه تاسی مونږ ته پیسی ، وسلی او وسیلی راکړی مونږ به غیرتی افغانان ستاسی د جنګ د پاره استخدام کړو دا به زمونږ جهاد نه بلکه ستاسی سوړ جنګ به وی . .
(سوړ جنګ څه معنی لری ؟) یعنی د افغانانو جهاد نه، بلکه د کمونستی بلاک سره د لویدیز جنګ وو او افغانان یی استخدام کړی وو ، دسی ای ای جهادی رهبرانو د افغانستان مجاهد ولس ، لکه د داکتر نجیب په شان، په حادیثونو او ایتونو په ویلو تیر ویستل د لویدیز استعمار زمونږ د جهاد رهبری په لاس کی نیولی وه ، د دی پلورل شوو او بی ضمیره شیخانو په واسطه یی له پیاوړو مجاهدینو تر هغی کار اخستلو چه یا به د روسانو مقابل جهاد کی په شهادت ورسیدل او یا به پلورل شوو په نورو ووژل.
لنډا دا چه د صلاح الدین ایوبی په شان قوماندانان یی په شهادت ورسول ، سکولر قوماندانان رامخی ته کړل ، د مشهورو صحابوو کرامو نومونه یی پری کیښودل ږیری یی اوږدی او د اخوانیانو خولی اوپګړی یی ورته پسرکړی ، شهادت نامی او ډیپلومی یی ورته جوړی کړی د قیمتی شامپوګانو او میکپ د پاره یی ورته ځانګړی دسترخوان وټاکلو چه متقی او نورانی ښکاره شی ، د پخوانو مجاهدینو ویاړنی او مړانی به یی د ځان پوری ټړلی او د قهرمانو مجاهدینو به شان به یی واسکتونه او پکولونه په سرکړل.او د مجاهدینو اکټونه به یی کول.
ددی ډول قوماندانو سره کابل ته ننوتل ،دی قوماندانو ته د سی ای ای له خوا دستورورکړی شوی وو چه خلک وازاروی تر څو د مچاهدینو نوم بدنام شی هماغه کار وشو ، نه د چا مال ، نه د چا ځان او نه د چا عزت خوندی وو ، هر چا به ویل چه له دی مجاهینو خو هغه سره روسانو ډیر شرف درلود د خلکو زړه یی له اسلامه او جهاده تور کړو همدغه د امریکا هدف وو.
تر هغی چه د همدی سیاف ، هزاره ګانو او حزب اوجمعت تر منځ جنګونو او وحشت کی هغه کارونه وشول چه د روسانو او کمونستانو وخت پری ډیر شرف درلود ، دا ټول تصادفی نه وو ، ددی تر شا شیطانی هیوادونو استخباراتی شبکو کار کوو ، د افغانستان مظلوم اولس بله لسیزه په جنګونو او وحشت کی تیره کړه ، تر څو چه الله ج مونږ ته د طالبانو په شان د رحمت او نصرت ملایکی راولیږلی خو دوی د رحمت ملایکو مقابل کی هم له مقاومته او وحشته کار واخست ، د رحمت ملایکو په خپلو کمو امکاناتو او په خپلو وینو قربانی ورکړی او هغه لاسته راوړنی خپلی کړی چه نن یی ټوله کفری نړی د ټولو امکاناتو سره سره یوه برخه هم ترلاسه کولی نه شی . استعما ر د سیاف په لاس شمالی ټلوالی ته په بیلونونو ډالر د اسلامی امارت د حکومت دنسکوریدو د پاره ورکړل د اسلامی امارت حکومت یی راو نړاوه ، زمونږ په مظلوم ولس یو ځل بیا د د یموکراسی په نوم د ظلمونو توری وریځی هر چیری خپری شوی.
مګر دا چه د استعمار جنګ د الله ج سره د اسلامی نظام د منځه وړلو د پاره وو چه پرځای یی د دیموکراسی شیطانی نظام پلی کړی نو الله چ همغه د مادی لحاذه کمزورو طالبانو ته داسی قوت او شهامت ورکړو چه ټولی کفری نړی ته یی د سر په کوپړی کی اوبه ورکړی او ټول نړیوال یی حیران کړل چه دا څه روان دی. په افغانستان کی د حق او باطل جګړه له ورایه په ډاګه ښکاری ، او استعماری قوتونه ددی پرځای چه د طالبانو قوت مهار او تسلیم کړی دوی خپله مهار او تسلیمی په حال او د ماتی په درشل کی ولاړ دی د سولی د خبرو کولو د پاره ننواتی کوی . دا چه خلک د سیافانو په هکله وایی چه دوی د روسانو سره له جهاد وروسته د امریکا جاسوسان شو ، ناسمه ده . دوی له اوله جاسوسان او مکار انسانان وو الله ج مکاران رسوا کوی او د مکارانو په حساب شه پوهیږی ، د دوی مکاری د دوی له قواری هم محسوسولی شی زه باور لرم چه په دی ژوند کی به هم الله ج داسی جزا ورکړی چه د نورو د پاره به د عبرت درس شی او د اخرت حساب کتاب خو یی د الله ج سره دی ، په رښتیا هم د خلکو پیژندنه په اوله کی ډیره مشکله وی ، دجال هم په اوایلو کی شه سړی وی خلکو سره د ریا مرستی کوی او خلکو ته لکه د مسیح ع په شان لارښودنی کوی خلک ور ته مسیح او مربی وای د خلکو د باور تر لاسه کولو وروسته د خدایی دعوی وکړی دجال شی نو سیاف هماغه کوچنی دچال دی چه د نورو د جالو سره په ګډه د هر ډول مظالمو او فسادونو کنترول دده په لاس کی دی ، خلکو ته جعلی دوزخونه او جنتونه ورکوی خو د الله ج په نزد د دوی دوزخونه ا و جنتونه سرچپه وی یعنی چاته چه دوی دوزځ و رکړی هغه ته الله ج حنت او چاته چه دوی جنت ورکړی هغوی ته الله ح دوزخونه ورکوی من الله التوفیق
Follow