د ترږميو به سحر مالوم شي
لږ انتظار شته چې ګدر مالوم شي
دا د کلونو د ماتم څپو ته
رڼايې راشي زرين لمرمالوم شي
کاذب امام په زړه کافرو په ځاي
چې د صادق ملا منبر مالوم شي
د سيند په هسکو توپاني څپو کې
ښکلی انجام ددې منظر مالوم شي
له څه غصې لږه دمه تيروم
چې لوړ پرواز ته مې وزر مالوم شي
شيخه اميد په تار مې مه تړه نور
پرې چې د هڅو مې هنر مالوم شي
هلته به ستا د مينې خوند واخلمه
چې د غني هيلو اختر مالوم شي
چې د رندانو سره مل وي بزم
داسې نشو ته به ساغر مالوم شي
—————————
سميع الدين افغاني
٤ – ٩ – ٢٠١٤
م ٠ کال
Follow